Nakakakabang Umpisa...

Umpisang-umpisa nang klase, may mga sumambulat na sa harapan ko. Pangako ko sa sarili ko na mag-aaral na ako nang mabuti simula ngayon hanggang wakas... Kaya lang...

Professor ko ulit yung naging professor namin sa Physics 1 last sem ngayong sem. Magtuturo siya ng Physics 2 sa amin. At dahil umpisa pa lang nang klase, ayaw munang magpa-lecture ng klase namin. Hahaha. Tigatig kaming sophomores, at least we're HANES... hindi pa kami ganon nakaka-rekober sa aming hiatus, lalung-lalo na ako na isang buwan lang ang hiatus ko. Na-enjoy ko naman ang one-month long vacation pero hindi ganon ka-enjoy. Enjoy lang, hindi ENJOOOOOIIII!!! Alam mo yung difference???

At! hindi lang yun ang nangyari. Wala pa kasing alas-nwebe ang oras, nang sabihin niyang: "Kung ididismiss ko kayo nang ganito kaaga, wala pang 10:30 o 9:30 pa nga, baka dumaan yung Checker [ang dakilang checker], eh, baka mabawas sa sweldo ko---wala na nga akong sinasahod. Kaya magtanong na lang kayo sa akin ng kahit anong tanong." Walang gustong magtanong dahil wala namang itatanong, kaya--- nag-lecture siya... Eto na ata ang pinakamahaba at pinakawalang-kwentang lecture na narinig ko sa isang Physics professor. Siguro, after niyang sabihin na: ''Ang Iglesia Katolika ang tunay na Iglesia," sumunod na narinig ko ay puro na lang "Blah-blah-BLAH-bLaH-BlAh-blahblah-blaH-blAh-bLah...[and so on and so forth]"

Eto kasing professor kong ito, masyado siyang stick sa religion niyang pangalanan na lang nating Mapagsamba sa diosa-diosan[Msd for short]. Tapos ang dami-dami niyang sinasabi. Tapos ang dami naming gustong tumutol sa kanya---bilang klase na nahahati-hati nang mga pinaniniwalaan, nang pinaninindigan, madaming gustong murahin siya nang harap-harapan---kaya lang hindi nila kayang gawin dahil isa lang silang estupidyante na aasa sa isang katulad niya para magakaroon nang magandang numerong mamarka nang buong pagkatao nila bago nila lisanin ang bahagi ng buhay nilang iyon. Anong laban nila, 'di ba?

Hindi kami nagkaron nang klase sa sumunod naming klase dahil hindi sumipot yung professor namin. Kaya pumunta na kami sa next class namin after naming maghintay nang halos tatlong oras dun sa paimportanteng professor namin na hindi man lang nagpasabing hindi siya pupunta. Hahaha.

PE. Isa pa ito. Kinakabahan ako nang hindi ko alam kung bakit. Yun pala, yung guro namin, isa ring tao na iba sa pinaniniwalaan ko. Pangalanan na lang natin ang kaniyang relihiyon na Taas-kamay, pikit-mata[Tkpm for short]. Naku, sa loob nang kulang 30 minutos, 'natanggap' na daw nila si Kristo sa kanilang mga puso. Natawa ako sa loob-loob ko at sumigaw [sa loob-loob ko] na isang malaking KALOKOHAN ang araw na ito.

Ang guro ko naman na ito, tutol sa Iglesia Katolika. Natawa ulit ako sa loob-loob ko, napaisip kung kilala ba siya nang Physics professor ko at alam na handle niya kami. Kung nakakabulag lang talaga physically ang mga salita nang dalawa kong propesor, kanina pa nangangapa ang mga klasmeyt ko pauwi sa kanilang mga bahay... Naku.

Kaya nga naghahanda na ako para sa mga susunod na diskusyon... Maipagtanggol ko man lang ang Iglesiang kinabibilingan ko...